ജയസൂര്യ (Jayasurya) നായകനാവുന്ന പുതിയ ചിത്രം ‘ജോണ് ലൂഥറി’ന്റെ (John Luther Trailer) ട്രെയിലർ പുറത്തുവിട്ടു. ഇൻവെസ്റ്റിഗേഷൻ ത്രില്ലർ ഗണത്തിൽപ്പെട്ട ചിത്രം സംവിധാനം ചെയ്യുന്നത് നവാഗതനായ അഭിജിത്ത് ജോസഫ് (Abhijith Joseph) ആണ്. അലോന്സ ഫിലിംസിന്റെ ബാനറില് തോമസ് പി മാത്യുവാണ് നിര്മ്മാണം. ഛായാഗ്രഹണം റോബി വര്ഗീസ് രാജ്.
ഏറെ നിഗൂഢത നിറച്ചാണ് ട്രെയിലർ തയ്യാറാക്കിയിരിക്കുന്നത്. അപ്രതീക്ഷിതമായി നടക്കുന്ന അപകടവും അതിനെ ചുറ്റിപറ്റി നടക്കുന്ന സംഭവ വികാസങ്ങളുമാണ് ചിത്രമെന്നാണ് ട്രെയിലർ നൽകുന്ന സൂചന. ചുരുങ്ങിയ സമയം കൊണ്ട് തന്നെ ട്രെയിലർ പ്രേക്ഷകർ ഏറ്റെടുത്തു കഴിഞ്ഞു.
പ്രവീണ് പ്രഭാകര് എഡിറ്റിംഗ് നിര്വ്വഹിക്കുന്ന ചിത്രത്തിന്റെ സംഗീതം ഷാന് റഹ്മാനാണ്. ചീഫ് അസോസിയേറ്റ് ഡയറക്ടര് ജിബിന് ജോണ്. സെഞ്ചുറിയാണ് വിതരണം.
